Omitzìdiu in Gèsturi. Sa vìtima est unu allevadore de 40 annos, Matteo Murgia, mortu cun una fusilada in sa sienda sua, in sartu de sa bidda.
A l’iscobèrrere su frade, a ora de sas 7 custu mangianu.
A su logu sunt arribados sos Carabineris de sa Cumpangia de Seddori e de su Nucleu Investigativu de su Cumandu provinciale de Casteddu. Sunt supridos peri su magistradu de turnu de sa Procura de sa Repùbblica de Casteddu e su dutore legale.
S’omitzìdiu diat pàrrere capitadu eris sero. Ant a èssere sos rilievos fatos dae sos ispetzialistas de su RIS de Casteddu e s’èsitu de sa notomia a fàghere cumprèndere sa dinàmica e s’ora de sa morte. In s’ìnteri sos militares sunt chirchende de iscobèrrere ite at fatu Matteo Murgia in sas ùrtimas oras de sa bida sua. Ant a intèndere familiares e amigos pro àere elementos de profetu chi podant incarrerare sas indàgines.
Mariantonietta Piga
Leave a comment