Istasero e pro totu sa chida fintzas a sàbadu in Rai 1 b’at a èssere su Fèstival de sa cantone de Sanremo. Un’ispetàculu chi, a pustis de unu momentu de crisi a s’agabbu de su Noighentos e s’incumintzu de su millèniu nou, cun Amadeus at leadu un’importu mannu. Custa chida, pro fortuna o a dolu mannu, s’at a faeddare mescamente de su chi at a capitare in cussu palcu. B’ant a èssere, de seguru, cuntierras, brigas e parres in sas retzas sotziales e in sas televisiones. In prus cun sa partetzipatzione de Mahmood chi at a cantare cun su tenore de Bitzi chenàbura, sa Sardigna at a àere unu rolu totu suo.
(redatzione)
Leave a comment