Su 14 de santugaine est istada una die de consultatziones eletorales in sos duos paisos prus mannos de Otzeània. In Nova Zelanda ddoe fiant sas eletziones polìticas, chi ant fatu registrare sa vitòria de sa destra, chi nch’at iscartziadu duncas su partidu laburista dae su guvernu.
Su prus pariidu votadu est istadu su National Party, cun su 39% de sos votos, contra a su 26,9% de sos laburistas. Su National Party at a formare una coalitzione de seguru cun ACT (Association of Consumers and Taxpayers), partidu libertàriu, chi at leadu su 9%. Est finas possìbile chi partètzipet a s’alleàntzia New Zealand First puru, chi at leadu su 6,5%.
In Austràlia imbetzes ddoe fiat su referendum pro modificare sa costitutzione e permìtere sa nàschida de un’organismu consultivu de su parlamentu formadu da rapresentantes de sos aborìgenos e dae sos indìgenos de s’Istrintu de Torres.
Su referendum no est passadu: 60% a 40% su resurtadu.
(redatzione)
Leave a comment