Su 9 de santugaine coladu unos 500 sardos ant isfiladu in sas ramblas de Bartzellona ammustrende bestimenta, sonos e ballos de sa traditzione. Sunt lòmpidos a sa capitale catalana in nave dae Portu Turres cun s’initziativa Navigantes, ideada dae sa Fondazione Maria Carta, cun s’agiudu de sa Regione e sa partetzipatzione de sa comuna de S’Alighera e de sa delegatzione de sa Generalitat de Catalunya in Itàlia.
A s’isfilada at partetzipadu finas unu grupu de s’Adifolk, Associació per a la difusió del folklore. Fiant presentes sos sìndigos de S’Alighera Conoci, de Tèmpiu Addis, de Sìligo Porcheddu e de Burtei Arca e sos rapresentantes de sos tzìrculos sardos de Ispagna.
Pro sa parte istitutzionale, sa Fondazione Maria Carta est istada retzida dae s’Adifolk e in antis de s’isfilada, cumintzada a su sero e acabada in pratza Sant Jaume, sa consellera de cultura de sa Generalitat at retzidu sa delegatzione sarda.
(redatzione)