Chenàbura 14 de abrile in Casteddu, a sas chimbe e mesu, in sa Sala de sa Fondazione di Sardegna in bia San Salvatore da Horta 2, s’istòricu Roberto Ibba presentat su libru Fedeli alla Monarchia e devoti alla terra, Franco Angeli Editore.
Sa presentatzione faghet parte de s’anteprima de sa de noe editziones de su Festival Premio Emilio Lussu. Sunt previstos sos interventos de Gian Giacomo Ortu, giai ordinàriu de Istòria Moderna in Casteddu e de Giampaolo Salice, assotziadu in sa matessi universidade.
S’òpera analizat sa nàschida de sa classe dirigente in Sardigna in relatzione cun sas prus famìllias importantes de sa baronia de Monreale.
S’initziativa tenet s’agiudu de Regione e Comuna e sa collaboratzione de Fondazione di Sardegna, Franco Angeli Editore, libreria MieleAmaro de Casteddu, tzentros istùdios Cisle de Torinu e Cisesg de Seravezza.
(redatzione)
Leave a comment