Sàbadu 22 de làmpadas a sas 21,30 in Uri, in pratza Funtana Manna, est in programma unu cuntzertu dedicadu a Claudio Monteverdi de s’ensemble Les Nations de Bologna.
Sa formatzione, fundada dae Maria Luisa Baldassarri, est ispetzializada in repertòriu barocu e rinascimentale. Nde faghent parte Baldassarri a su tzèmbalu, David Butti a su cornete, Mauro Morini e a su trombone, cun sa boghe de su soprano Anna Simboli.
S’initziativa, in su cartellone de Salude e Trigu, de sa Càmera de Cummèrtziu de Tàtari, faghet parte de su Festival Note senza tempo, chi tenet sa diretzione artìstica de Daniele Cernuto e est organizadu dae Dolci accenti cun su cuntributu de R.A.S., Fondazione di Sardegna e comunas de Tàtari, Uri, Piaghe, Portu Turres, Sènnaru e Bultzi.
(redatzione)
Leave a comment