Mossighende sas lìteras

                                            de Salvatore Serra

Si narat  Pica Lletres  (Mòssiga sas lìteras) una trasmissione pro praticare sa limba catalana. Si tratat de unu quiz linguìsticu radiofònocu e televisivu chi cunsistit in su de  sillabare paràulas in catalanu. Su TERMCAT bi collàborat intreghende paràulas noas  chi sos istudiantes depent sillabare e chi podent praticare in antìtzipu durante sas proas de sos programmas.

Pica Lletres tenet una versione radiofònica e una televisiva. Bi leant parte prus de 30 ràdios locales . Sas iscolas segundàrias e  sos iscolanos gherrant pro lòmpere a sa Finale Manna, in ue un’iscola ebbia est proclamada sa mègius “picalletrejadora” de Catalugna.

Pica Lletres est una produtzione de sas ràdios locales de La Xarxa in collaboratzione cun Antàrtida Produccions, e tenet s’amparu de s’Institut d’Estudis Catalans e de su Centre de Terminologia TERMCAT. Sas trasmssiones si podent sighire in sas  ràdios e televisiones locales e in  sa piataforma La Xarxa+.