de Mauro Piredda
Su cunfrontu intre sas minorias linguìsticas sudtirolesa, islovena, friulana e sarda at a èssere su coro de s’addòbiu intituladu “Dopo la Babele l’Europa e le lingue” (ordingiadu dae s’ARLeF – Agjenzie regionâl pe lenghe furlane) chi s’at a tènnere domìniga s’11 de custu mese in Ùdine in sa Crèsia se Santu Frantziscu dae sas 15,30. Protagonistas su diretore de s’ARLeF William Cislino, su giurista e senadore de sa Repùblica Francesco Palermo, su filòlogu islavista Giorgio Ziffer, diretore de su Tzentru internatzionale pro su plurilinguismu de s’Universidade di Ùdine, s’espertu de pianificatzione linguìstica sardu Pepe Corongiu e sa dirigente iscolàstica friulana Patrizia Pavatti. S’addòbiu est in intro de su fèstival “Vicino Lontano 2014”, importante apuntamentu culturale de sa regione Friuli Venètzia Giùlia.
