Dae mèrcuris 21 a chenàbura 23 de làmpadas Sini, Nureci e Senis ant a èssere teatru de Giaras in festas, organizadu dae su cunsòrtziu turìsticu Due Giare. Su 21 a sas 7 de sero in sa domo baronale de Sini est in programma s’ispetàculu musicale, produidu dae Palazzo d’Inverno, Dalla Sardegna alla Sicilia, un viaggio nella musica d’autore, cun Giusy Murgia Onnis a sa boghe, Enrico Atzeni a su pianoforte, Gianluca Podda a sa chiterra clàssica, Germano Seggio a sa chiterra elètrica, Vito Di Pietra a sa bateria Marco D’Arpa a su bassu.
Su 22 a sas deghe ant a sonare in Nureci e su 23 a sa matessi ora in Senis, in ue, sa pròpiu die, in sa domo baronale ant a presentare, pro su progetu Fotografe in Marmilla, sa mustra fotogràfica The Night Of de Francesca Randi. S’espositzione est aberta finas a su 30 de cabudanni.
(redatzione)
Leave a comment