Marghinotti in s’anniversàriu de sa morte

Marghinotti in s’anniversàriu de sa morte

Su 20 de ghennàrgiu de su 1865 moriat in Casteddu Giovanni Marghinotti. Cunsideradu unu de sos mègius pintore sardos de su sèculu XIX, aiat lassadu sa Sardigna pro istudiare in Roma, siat in s’Acadèmia de Frantza siat in s’Acadèmia Pontifìtzia.

Torradu una prima borta a Casteddu aiat cumintzadu a bogare fama e dd’aiant cummissionadu cuadros a caràtere encomiàsticu e religiosu. Intre sos cummitentes ddoe fiat su Palatzu Reale de Torinu.

E pròpiu in sa tzitade piemontesa si nche fiat trasferidu cando dd’aiant dadu sa càtedra in s’Acadèmia de Bellas Artes.

Sa fama de Marghinotti fiat lòmpida finas a Ispagna in ue dd’aiant fatu cavalieri de s’Òrdine de Càralu de Borbone.

A pustis de s’esperièntzia piemontesa fiat torradu a bìvere in Sardigna.

Sas telas suas si podent ammirare finas in sos duomos de Casteddu, Tàtari e Aristanis e in sa crèsia casteddaja de Santa Eulalia, in su cuartieri de Marina, in ue fiat nàschidu in su 1798.

(redatzione)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *