– de Rita Pittalis –
Ispetzialmente a sos sardos chi carchi die a oe, un’atera borta, ant dèpidu gherrare contra s’abba pro chircare de sarvare su bene, sos sacrifìtzios de una bida, chi pro pagu non nche isvaniant che casteddu fatu dae pitzinnu in riba de mare!
Tando b’est de pessare, meda de pessare: sunt colados duos annos dae cando su ciclone Cleopatra nch’at ispèrdidu sa Sardigna e galu oe nos semus agatados chene mudandas, timende a frea, e pessende “custa borta nch’ est fata!”?
Si podet pessare chi in custu tempus nudda siat istadu megiorau pro non torrare a nche pèrdere cada cosa?!
Gubernantes chi non gherrant pro sa terra chi depent cussiderare e non pessant a su pòpulu chi los at elègidosc herent bogados a poleddu!
Sètzidos in sa trona, omente Deos paganos, pompiant a josso ite at a sutzèdere a sa gente comune, isetende mancari de b’essere un’àteru dannu pro nche prenare sas butzacas issoro!!!
Ma fintzas su pòpulu cheret brigadu..dae meda tempus bene sètzidu, isetende chi siant sos àteros a nche mediare sos anneos!!
Nos depimus ischidare, sos sardos non tenent bisòngiu nen de limusina nen de meres malos..solu una borta dae chelu nch’est falada sa manna!
Unu pòpulu chi gherrat unidu pro sa libertade e sos diritos chi li toccant est unu pòpulu chi tenet dignidade!!!
Sardos unidos contra s’opressore!!
Leave a comment