Gasi naraiant sos latinos pro avèrtere chi si sos tempos de oe sunt malos, galu peus ant a èssere sos chi ant a bènnere.
E gasi est pro sa limba sarda, a dolu mannu.
Ca si oe su guvernu regionale pagu si nde afutit de su sardu, pro s’in cras paret chi s’idea siat de nche lu cantzellare de su totu, nessi pro no nd’àere pelea peruna.
Sos operadores, iscarmentados dae s’ausèntzia de custu guvernu pro su chi pertocat su sardu, s’isetaiant tempos malos, ma forsis in su coro ballaiat s’ispera de carchi lampigiada in su caminu de Damascu. E imbetzes, sos chi fiant in birbìllios, sunt como a su disisperu.
Sa giunta, in unu disignu de lege, paret chi nde chèrgiat bogare cantu b’at in campu de limba sarda: mèdios massivos, curretore ortogràficu, cunferèntzia annuale, sardu veiculare in sas iscolas e isportellos linguìsticos. Unu disacatu mannu pro prus de 150 operadores, editores, sòtzios culturales e gasi a sighire.
In duas intervistas a diferente fatas a Antonello Garau, operadore linguìsticu, e a Christian Solinas, Capogrupu sardista in cussìgiu regionale, pro Radiolina essit a campu totu su pistighìngiu e s’arrennegu de sos chi istimant sa limba.
Inoghe agatades sas intervistas issoro:
Antonello Garau
Christian Solinas
Leave a comment