Eris est morta Lina Wertmüller regista manna de s’istòria de su tzìnema internatzionale. Est istada sa prima fèmina in arriscu de bìnchere unu prèmiu Oscar pro Pasqualino Settebellezze in su 1977. Atores e registas medas li depent torrare gràtzias ca issa agataiat e reconnoschiat sos talentos giòvanos. Pro esempru, unu comente Pupi Avati est istadu agiudadu dae issa a sighire sa carriera sua. Unu tzìnema, su de Wertmüller, chi auniat sos tema sotziales cun una mirada liera, capatze de fàghere a rìere e su matessi tempus a fàghere meledare. Wertmüller in Sardigna at giradu Travolti da un insolito destino nell’azzurro mare d’agosto, un film famada in su mundu cun Mariangela Melato e Giancarlo Giannini, chi contat in manera befulana sos raportos intre ricos e pòberos. Cun issa si nch’andat una de sos mastros de sa cummèdia a s’italiana clàssica.
(redatzione)
Leave a comment