S’amministratzione comunale de Nùgoro, in s’àmbitu de su progetu de amparu de sas minorias linguìsticas (L. 482/99), cheret ativare su cursu de formatzione intermèdiu pro su personale de s’ente e pro sos cuntzitadinos interessados a otènnere pratichesa in s’impreu orale e iscritu de sa limba sarda. Su cursu intermèdiu at a durare 30 oras e at a cumintzare dae su 6 de làmpadas de ocannu chin addòbios de belle tres oras sa chida. Su programma de sas letziones at a pertocare sa literadura sarda e mescamente sa nugoresa. Sas letziones in presèntzia s’ant a fàghere in locos nòdidos de sa tzitade de Nùgoro ligados a poetas e iscritores comente Frantzischinu Satta, Jubanne Piga, Predu e Antoni Mura, Gràssia Deledda e àteros. Previstos fintzas duos addòbios in presèntzia cun poetas chi ant a faeddare de s’òpera issoro e ant a rispòndere a sas dimandas de sos cursistas. In intro de sas letziones online s’at a fàghere un’excursus istòricu-literàriu. Àteras informatziones inoghe: https://www.comune.nuoro.it/ente/avvisi/263
redatzione
Leave a comment