Chentu e otantanoe annos a oe naschiat in Daresbury, Inghilterra, Charles Lutwidge Dodgson, mègius connotu cun su pseudònimu de Lewis Carroll.
Matemàticu, fotògrafu, diàconu de sa Crèsia Anglicana ma massimanente autore de Alice in Wonderland.
Sa protagonista tenet a modellu a Alice Liddell, una de sas fìgias de su decanu de Christchurch, unu de sos cullègios de Oxford. Pensadu comente unu libreddu a rechesta de sa pitzinna, chi Carroll dd’aiat contadu, a issa e a sas sorres, unu contu durante unu picnic, fiat passadu in manos de su romanzieri Henry Kingsley, chi dd’aiat cumbintu a ddu publicare.
Sa versione definitiva, intitulada Alice’s adventures in Wonderland, est essida in su 1865. Chimbe annos a coa est essidu Through the looking-glass and what Alice found there.
Sos duos volumes, nàschidos comente libros pro pipios, sunt prenos de una richesa istilìtica e linguìstica raras, chi ddos ant fatu bènnere a èssere clàssicos de sa literadura mundiale.
(redatzione)
Leave a comment