Érani ciurrati di fócu ma si pó dí chi n’è falata l’ària. Sant’Antoni à cumpritu lu miràculu: à fattu ea a gjittatura e abali chista tarra asciutta si n’à cacciatu un pocu la siti. Ma vi so alti elementi in chista chistioni. Palchí pa’ lu stantu in Saldigna v’è ancóra un problema cu’ la gestioni di lu chi manca: arimani illi dighi a momenti no vi n’éra e óggji vi n’è puru troppu, tambè ch’è currendi vel di lu mari. Chistu no vó dí chi no dístiani abbrí li paratii pa’ vassanni un pocu (si abali non v’è alta manéra, la siguresa di li passoni è la cosa piú impultanti), ma v’è una chistioni strutturali chi miréta una risposta pulítica. Una risposta chi no è fàcili, palchí la gestioni di li dighi rigualda piú d’un impréu: civili, agrículu, industriali, energéticu. Ma finzamenti palchí no è fàcili a fà infrastrutturi nói. Tocca a cumprindí undi. E tocca a cumprindí cantu vi ni ‘ó. Di tempu e di dinà. Abali chi stància v’arani a pinsà?
màuro piredda
Leave a comment