Pro rispòndere a custas dimandas, chenàbura 22 de abrile, s’at a fàghere unu addòbiu in lìnia pro totu sas classes cuartas e cuintas de sas iscolas superiores de sa Sardigna, cun sos dirigentes e sos responsàbiles de sos setores de s’ERSU Tàtari, ente regionale pro su diritu a s’istùdiu, dedicadu a chie est istudiende o at in ànimu de lu fàghere in s’Universidade de Tàtari, in su Conservatòriu “Luigi Canepa”, in s’Acadèmia de artes bellas “Mario Sironi” e in s’Istitutu de Iscièntzias religiosas de Tàtari/Tèmpiu.
ERSU Tàtari difatis pigat parte a sas Dies natzionales pro su diritu a s’istùdiu universitàriu, promòvidas dae ANDISU, s’assòtziu chi ponet paris sos 37 entes regionales chi tutelant e garantint custu diritu fundamentale cunforma a s’art. 34 de sa Costitutzione italiana.
In custa manera, chentinas de istudentes chi sunt acabbende su percursu iscolàsticu si podent addobiare e isòrvere peri sas dudas subra su percursu de seberare pustis su diploma. S’ERSU dat unu pore de possibilidades finas a sos istudentes chi lu meressent ma no ant sos mezos.
Mariantonietta Piga