A pustis de duos annos agabbat s’istadu de apretu pro su Covid. Dae oe no b’at prus bisòngiu de su documentu birde pro intrare in un’ostera, in una butega e in cale si siat ufìtziu pùblicu, ma nemmancu pro istare in unu tzilleri o in unu ristorante a s’abertu. Pro intrare in custas duas genias de logos, a s’imbesse, bi cheret galu sa documentu birde nessi fintzas a s’agabbu de su mese de abrile.
Abarrat su documentu birde afortiadu pro intrare in sas piscinas, is palestras, sas mensas, is discotecas e sos eventos isportivos e sos cuntzertos in intro, ma pro custas duas a s’abertu bastat petzi cussu bàsicu. Pro cantu pertocat sas maschereddas, b’at s’òbligu de s’impreu de sas FFP2 finamentas a su 30 de abrile a intro de onni logu pùblicu tancadu.
Dae oe agabbat fintzas sa partzidura de sas regiones in colores de gravidade, tancat su Comitadu tecnicu-iscientificu e non b’at prus su cummissàriu istraordinàriu.
Pro torrare a sa normalidade b’at galu unu pagu de tempus: si totu andat bene is ùrtimas medidas ant a rùere a s’inghitzu de maju, ma tocat de bìdere comente ant a èssere postos is repartos de sos ispidales. S’àndala però paret cussa giusta.
(redatzione)
Leave a comment