Su 7 de trìulas est s’anniversàriu de s’indipendèntzia de sas ìsulas Salamone. Difatis custa matessi die de su 1978 ant sessadu de èssere possedimentu de su Regnu Unidu.
Custu artzipèlagu de s’Otzeània, de ses ìsulas prus mannas e àteras noighentas prus piticas, est istadu bisitadu pro primu dae sos ispagnolos, in su de sèighi sèculos, in antis de intrare in s’òrbita britànnica.
Fiat istadu pròpiu su navigadore ispagnolu Álvaro de Mendaña a ddis pònnere a nùmene Salamone, in onore de su re fìgiu de Davide.
A sa fine de su de deghennoe sèculos est cumintzada sa colonizatzione britànnica.
Sa populatzione, de unos seschentamìgia abitantes, est belle totu melanesiana e professat su cristianèsimu, cun majoria de catòlicos e anglicanos.
Su capu de istadu sighit a èssere sa reina de Inghilterra.
(redatzione)
Leave a comment