Bìculos de filosofia #30 (Sos vantos de su machine)

Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.

Sa gherra est o no est su terrinu e sa bena de onzi fatura groriosa? E ite b’at de prus machinosu de chertare chin custas cundierras, no isco poi pruite, dachi a ambas partes lis tocat prus dannu chi non profetu? A sos mortos nessune los tenet a contu, justa comente a su pòpulu de sa bidda de Mègara. Ma cata via chi duos esèrtzitos si parant s’unu petus a s’àteru armatos de ferru e sos corros de gherra fachent retumbare sa cantzone issoro agargastata, nàtzemi vois ite bisontzu b’at de custos sàvios! Issos, istrumatos dae sos istùdios, a istèniu tirant s’àlinu e juchent su sàmbene pòveru e lenu; imbetze b’at bisontzu de òmines chin una carena che boja, atrivitos e chene un’untza de cherveddu in conca.

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com