Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.
E in prus cale àteru disitzu issas tenent in custa vita, si non de piagher su prus chi potent a sos òmines? Fortzis chi totu sas prennas, sos imbràstios pro sa bellesa e sos anzos, sos amànios de pilos, pumatas e profumos, sas maneras disvariatas de ajustare, de pintare, de s’agheretzare sa cara, sos ocros, sa pedde no ant cust’intentu?
A sas secus cal’est sa calitate chi tirat de prus s’istima de sos òmines? No est fortzis su machine? Sos òmines totu lassant facher a sas fèminas. E cal’est su sufragu? No est s’agradu? Su gosu chi issas dant benit petzi in deretura dae su machine issoro. Non si potet negare sa veritate de cust’assuntu, si si pessat a totu sos issimprùmenes chi s’òmine ispatzat a una fèmina, a totu sas ballalloatas chi fachet onzi via chi si nche ponet in conca de imperare a una fèmina pro su disaogu suo.
Leave a comment