Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.
E arratza de vena de gòdiu ch’est cuddu famatu Priapu de linna de aicu!
E arratza de ispàssiu su chi dat Mercùriu chin sas bardanas suas e sas briscas de pigliete! Fintzas Vulcanu in sas rebotas de sos deinos s’est avesatu a facher su paliatzu, e como chin s’annàntile suo de tzopu, como chin sos conteddos suos risulanos e sos ditèrios irgangaliatos, allegrat a sos cumpantzos de rebota. Tambene pro Silenu , cuddu vetzu coddatore-passitzeri, est un’avesu a ballare su cordaze, in su mentras chi Polifemu atacat sa trallallera e sas ninfas unu ballu e pedes iscurtos.
Sos Sàtiros crapinos fachent sa cumèdia atellana, Pan chin carchi cantzonedda issimpra ponet a rider a totu e sos deinos cherent ascurtare mentzus a isse chi no a sas Musas, mescamente canno incumintzant a esser bene a una supera de vinu.
Leave a comment