Iscola tzìvica de mùsica Ischelios, dae Ossi a s'Unione Comunas de su Coros

Dae sa prima die de austu s’iscola tzìvica de mùsica Ischelios càmbiat de gestione passende dae su coordinamentu de sa Comuna de Ossi, comente ente cabufila, a s’Unione de sas Comunas de su Coros.

Sas biddas interessadas sunt Carzeghe, Codronzanu, Fiolinas, Muros, Ossi, Piaghe, Potufigari, Tissi, Uri e Ùsini.

Ossi est istadu 27 annos ente cabufila de s’iscola, comente at ammentadu su sìndigu Lubinu, e como s’Unione, at naradu su presidente Budroni, at a sighire su traballu chirchende de ddu megiorare.

(gm)