Su 18 de maju in Irlanda de su Nord su Sinn Fein, partidu republicanu, at bintu sas eletziones amministrativas. At leadu 144 sègios, contra a sos 122 de su Partidu Unionista Democràticu, su prus mannu de sos partidos leales a sa Corona britànnica.
Giai in su 2022 su Sinn Fein fiat resurtadu primu in sas polìticas, cun 27 sègios contra a 25, ma sas diferentes siglas non fiant renèssidas a formare un’esecutivu. S’isperàntzia pro sos votantes de su Sinn Fein est chi, a pustis de custa vitòria finas a livellu locale, su ruolu de Primu Ministru siat assignadu a Michelle O’Neill, sa leader de su partidu.
(redatzione)
Leave a comment