Intelligèntzia artifitziale in Bartzellona

In Bartzellona ant a  fàghere una de sas sete fàbricas de intelligèntzia artifitziale de Europa. Su progetu, amaniadu dae sa Cummissione Europea, l’at a ghiare su  “ Barcelona Supercomputing Center” . Su Guvernu de Ispagna e sa  Generalitat de Catalugna si sunt postos de acordu in custu sensu. Su progetu “AI Factory” l’ant a incaminare  in su  2025 cun s’idea  de lu fàghere  operativu in s’agabbu de su matessi annu. Su  Guvernu at a investire 61,76 milliones de èuros, pro mèdiu de su Ministèriu de sa  Trasformatzione Digitale  e de  su Ministèriu de  sa Sièntzia, Innovatzione e Universidades, cando chi sa  Generalitat at a gastare 14 milliones de èuros. A custu dinare s’annanghent  98,33 milliones de èuros de sa Cummissione, pro mèdiu de sa retza europea de superelaboradores de resa arta chi canalizat s’initziativa de sas “IA Factories”.

Su “Barcelona Supercomputing Center-Centro Nacional de Supercomputación” (BSC-CNS) at a istrangiare custa fàbrica chi, in pare cun sas àteras ses  chi ant a fraigare  in  Europa, at a permìtere s’intrada a s’ infraistrutura de supercomputatzione, pro fàghere  a manera chi podant impitare sas resursas suas non sa comunidade sientìfica ebbia ma finas sas  impresas mannas, sas impreas mèdias e minores  e sas impreasas de giòvanos.

(sa redatzione)