In su 2022 sa Sardigna si cunfirmat protagonista de pellìculas, documentàrios e produtziones televisivas

In su 2022 sa Sardigna si cunfirmat protagonista de pellìculas, documentàrios e produtziones televisivas gràtzias a s’impinnu de sa Fondazione Sardegna Film Commission.

Eris note sa CNN, chi contat una mèdia de 180 miliones de ispetadores a sa die, at mandadu in onda su docufilm de Stanley Tucci dedicadu a sa Sardigna.

S’atore e regista americanu, de genia italiana, in beranu passadu, pro duas chidas, s’at girau s’ìsula, dae su mercadu de San Benedetto de Casteddu a Carloforte, dae sas aziendas agropastorales de sa Barbàgia a sos istatzos gadduresos, registrende sa sèrie de documentàrios “Stanley Tucci alla ricerca dell’Italia”, chi at bintu 2 Emmy Awards comente mègius sèrie de sagìstica trasmitida dae sa CNN.

Su regista at sutaliniadu chi s’esperièntzia in Sardigna est istada sa mègius. Totu acumpangiadu dae una passione noa pro sa butàriga e su vermentinu: mescamente a ismurzare.

Mariantonietta Piga