Est nàschidu s’Is. Be Book Club – Paràulas intre nois, unu logu de addòviu pro sos amantiosos de sa letura chi cherent esplorare mundos literàrios e cumpartzire pensamentos e emotziones pro mèdiu de sas pàginas de sos libros.
Dae s’11 de cabudani e finas a nadale, in s’Istitutu Bellieni in Tàtari, cada segundu lunis de su mese, dae sas 5 a sas 7 de sero, totu sos interessados s’ant a “impojare” in leturas cumpartzidas, ant a leare parte a arresonos de giudu e ant a iscobèrrere tìtulos noos gràtzias a sos cussìgios de sa bibliotecària Bàrbara Salis.
S’assòtziu acollit letores de cada edade, esperièntzias e isfumaduras. Pro aderire non si pagat nudda.
Su primu addòviu est lunis 11 de cabudanni 2023 a sas 5. Est dedicadu a sa formatzione de su grupu, a su sèberu de su programma de letura e a s’istèrrida de sas règulas de fundamentu.
(sa redatzione)
Leave a comment