Trintaghimbe mìgia persones, a su nessi custu est su datu de sa Guàrdia Urbana, si sunt oviadas eris in su tzentru de sa capitale catalana pro defensare sas polìticas de immersione linguìstica e pro protestare contra a sas interferèntzias polìticas e giuditziàrias che a sa de su Tribunal Superior de Justícia de Catalunya chi imponet su 25% de oras in castillianu. Sos manifestantes ant mòvidu dae pratza de Tetuan conca s’arburada de Lluís Companys, cara a sas ghennas de su tribunale. Su presidente de sa Generalita, Pere Aragonès, at faeddadu de ofensiva natzionalista ispagnola contra a s’iscola catalana. Ma sa Generalitat matessi at retzidu crìticas pro sa resistèntzia modde cara a sas pressiones Madrid. A bisu de sos de sa prataforma unitària “Som escola”, chi ant organizadu sa manifestatzione, s’immersione iscolàstica est unu modellu profetosu chi «garantit sa coesione sotziale in Catalugna». Propostu unu «patu natzionale pro sa limba».
màuru piredda
imàgine vilaweb
Leave a comment
Is Sardos, a su contràriu, nosi agataus bene ‘democraticamente’ in s’iscagiatóriu de s’iscola italiana gràtzias a una ‘política’ seculare de managos chi ant apretziau sèmpere is ampudhas sardas buidas a prènnere de àrculu tricolore chentza ibentiare mai s’imbriaghera. A fin di bene, sèmpere méngius imbriagos est!