Presentadu in anteprima e in cuncursu in sa de bintuduas editziones de su RIFF (Roma Independent Film Festival) de ocannu, in programma dae su 16 a su 24 de santandria, Il sogno dei pastori est unu filmi de Tomaso Mannoni. Contat de duos frades de s’ala de intro de Sardigna, Ignazio e Antonietta, chi detzident de si fidare de unu continentale, lòmpidu dae Nàpoli, pro provare a balangiare faghende “adotare” sas berbeghes via internet.
A printzìpiu paret chi sa cosa funtzionet ma a coa essit a pìgiu sa beridade subra de s’istràngiu.
Sa pellìcula ponet in iscena su problema de sa coesistèntzia intre traditzione e modernidade. Sos protagonistas sunt Alessandro Gazale, Astrid Meloni, Fabio Fulco e Federico Saba.
(redatzione)
Leave a comment