Dae su 17 a su 21 de trìulas in Vitoria, in su Paisu Bascu, est in programma HIGA, un’atopu pro giòvanos chi faeddant limbas minorizadas. S’obietivu de sa manifestatzione, lòmpida a sa de bator editziones, est de torrare a bias custas limbas e de istabilire una retza intre sas diferentes comunidades linguìsticas a livellu internatzionale.
A mangianu ddo’at a àere sessiones chi faghent parte de sos cursos de istadiale de sa Universidade de su Paisu Bascu.
A pustis de sa pàusa de su mesudie sos pitzocos ant a partetzipare a laboratòrios cun s’obietivu de favorire sa collaboratzione e s’imparu.
In fines, a su sero, ispàtziu a ispidientos e ispàssios cun mùsica, projetziones e essidas culturales.
S’initziativa est nàschida in su 2011 pro more de su Dipartimentu de sa Limba Basca de sa Comuna de Vitoria. In su 2018, in ocasione de sa segunda editzione, ant adotadu su nùmene HIGA. In su 2021 ddo’at àpidu sa de tres, in parte in presèntzia e in parte a distàntzia.
(redatzione)
Leave a comment