Google est aprontende una funtzionalidade noa pro protègere sos indiritzos IP de sos utentes. Una novidade de importu mannu in contu de privadesa, chi impedit s’impreu cun abusu de sas informatziones personales.
“IP protection” – custu su nùmene de sa funtzionalidade – permitit a sos utentes de cuare sos indiritzos IP issoro (chi, ammentemus·nos, sunt istrumentos de profilatzione) cando sunt navighende in sa rete web.
Su mecanismu movet dae sa deviatzione de su tràficu dae domìnios seletzionados intre servidores proxy: gasi, sos indiritzos IP caratzados pro mèdiu de sos proxy divenint invisìbiles a cussos domìnios e sos sitos no podent profilare sos bisitadores e nemmancu collire sos datos personales.
Custos sos domìnios interessados:
- admeld.com
- admob.com
- adometry.com
- adservice.google.ca
- adservice.google.com
- adwords.google.com
- cc-dt.com
- crashlytics.com
- dartsearch.net
- destinationurl.com
- developers.google.com
- dmtry.com
- doubleclick.net
- fcmatch.google.com
- fcmatch.youtube.com
- gmail.com
- google-analytics.com
- google.com
- googleadservices.com
- googlemail.com
- googleoptimize.com
- googlesyndication.com
- googletagservices.com
- inbox.google.com
- invitemedia.com
- mail.google.com
- orkut.com
- plus.google.com
- plusone.google.com
- postrank.com
- smartlock.google.com
- smtad.net
- teracent.com
- teracent.net
- voice.google.com
- wave.google.com
- ytsa.net
- 2mdn.net
Sa lista – dat a ischire Google – est in agiornamentu pro megiorare sa seguresa.
Custa tipologia de protetzione at a èssere integrada deretu in su navigadore e sos utentes ant a pòdere seberare de l’ativare o mancu (opt-in).
Google at a conduire sa prima fase de test (sa Fase 0) dae como a unos cantos meses, e sas primas versiones interessadas ant a èssere cussas intre sa 119 e sa 225. A cumintzu, sa novidade at a pertocare unu grupu minore de utentes pro ismanniare sa platea a pustis.
In sas àteras fases, su gigante de Mountain View at a realizare unu sistema fatu dae duos proxy: unu de Google e unu esternu. Gràtzias a custa dòpia implementatzione, sos duos proxy no ant a bìdere nen s’indiritzu IP de s’utente, nen sa destinatzione de su tràficu. Sa positzione rapresentada at a èssere aprossimativa e non pretzisa pro afortire sa protetzione de sa privadesa.
Gianfranca Orunesu
Leave a comment