Sàbadu 31 de maju in Casteddu, in sa basìlica de Bonària, sa diòtzesi casteddaja organizat su Giubileu de su mundu de sa comunicatzione, promòvidu dae s’Ufìtziu diotzesanu pro sas comunicatziones sotziales in collaboratzione cun Ucsi (Unione Cattolica della Stampa Italiana) Sardigna.
Si cumintzat a sas 9,15 cun s’acollèntzia de sos padres mertzedàrios e a pustis ddo’ant a èssere sos saludos istitutzionales de su retore de sa basìlica padre Eugenio Caramia, de sa diretora de s’ufìtziu diotzesanu de sas comunicatziones sotziales Maria Luisa Secchi e de su presidente de s’Ucsi Andrea Pala.
A sas 9,45 preìderu Giulio Madeddu, presidente de sa Fondazione Kalaritana media, at a fàghere una lectio biblica subra sa comunicatzione.
In fines, a sas 11,30, s’archipìscamu mussegnor Baturi at a fàghere sa missa.
Custu Giubileu si tzèlebrat in ocasione de sa de 59 Dies mundiales de sas comunicatziones sotziales.
(gm)