de Angelo Canu
“In Sèdilo, at a èssere una festa pro sa limba sarda ma amus a arresonare fintzas de Limba Sarda Comuna, de su Servìtziu Limba Sarda galu sena diretore, de polìtica linguìstica firma in Sardigna, de s’editoria e de su sardu in iscola”.
Custu est su resumu de s’intervista chi Antoni Innàtziu Garau, de su Coordinamentu Sardu Ufitziale, at fatu custu mangianu in Radiolina, pro ispricare su sensu de sa “Festa de sa Limba Ufitziale”, ammanitzada dae su Coordinamentu pro su sardu ufitziale – CSU su 21 de cabudanni sa Sala “Prima Ighina” in sa Pratza de Santu Giuanne de Sèdilo, a comintzare dae sas 9,30 de su mangianu fintzas a sero.
Garau at ammentadu su finantziamentu postu pro su 2014 in su Pianu Triennale dae sa Giunta Cappellacci e chi sa giunta noa de Pigliaru no at galu pintadu de gastare, dinari chi diat pòdere èssere impitadu pro s’afortiamentu de sa limba sarda in sas amministratziones, in sas iscolas, in sos mèdios massivos. E in prus unu Pianu Triennale nou galu de aprontare.
Firino at semper naradu chi una de sas prioridades suas est sa de fàghere intrare su sardu in sas iscolas. Ma si est gasi, Garau, a manera giusta, at pregontadu: “Comente podimus pensare nois a alfabetizare is pipios, in limba sarda puru, si no ddu est mancu un’èuru in custu capìtulu?”
Ascurta inoghe s’intervista intrea: