Non totus connoschent totu sas funtziones de WhatsApp. Custas sunt tres de sas prus interessantes:
A ISCRÌERE A UNU CUNTATU CHI NO EST REGISTRADU IN SA RUBRICA.
Pro lu fàghere, tocat a impitare su navigadore (funtzionat siat in su telelefoneddu, siat in s’elaboradore), iscriende su ligàmene wa.me/39 sighidu dae su nùmeru de telèfonu. Su 39 currrespondet a su prefissu de sos nùmeros italianos. Pro nàrrere: wa.me/39555555555. Su web t’at a pedire de abèrrere s’aplicatzione e as a pòdere imbiare su messàgiu!
A LOGRARE SU CUNTATU CUN SU QR.
S’aplicatzione de messageria cunsentit de cumpartzire su cuntatu cun unu còdighe QR a manera chi non b’apat bisòngiu de digitare in su telèfonu. S’agatat in sas impostatziones de WhatsApp e s’àtera pessone petzi l’at a dèpere iscansionare cun su telefoneddu pro ti registrare in sa rubrica.
A IMBIARE MESSÀGIOS A TIE ETOTU
Medas ma medas usuàrios ponent una chat cun issos etotu comente diàriu personale in ue collire cosas de importu pro non si las ismentigare. B’at duas maneras de lu fàghere: sa prima est a creare unu grupu de WhatsApp, agiùnghere carchi cuntatu e, cando l’as creadu, eliminare sos àteros abbarrende tue ebbia; sa segunda manera est a sighire sos matessi passos chi si faghent pro faeddare cun chie no est in sa rubrica (iscrìere in su navigadore wa.me/39xxxxxxxxx) ponende su nùmeru tuo.
