In Nuraghe Corvos cumintzat sa prima die de cabudanni, a sas oto de sero, sa de dòighi editziones de Florinas in Giallo – L’isola dei Misteri.
Intre sos protagonistas sa giornalista napulitana Stefania Divertito, connota pro sas inchiestas de caràtere ambientale, chi dae sa fine de austu tenet una residèntzia artìstica in sa bidda.
A coa sunt previstos interventos de duos sardos: s’atore Sante Maurizi at a lèghere partes de Procedura, de Salvatore Mannuzzu, mentras Sarah Savioli, tzaramontesa, at a presentare su libru suo Il testimone chiave.
A sas noe e mesa Peppe Servillo, boghe de sos Avion Travel, at a lèghere partes de I bastardi di Pizzofalcone, de Maurizio de Giovanni, acumpangiadu dae su Salvatore Maltana My Folks Trio, cun Salvatore Maltana contrabbassu, Max De Aloe sonete de buca, Marcello Zappareddu chiterra clàssica.
(redatzione)
Leave a comment