Est nàschida sa Natzionale Sarda de Basket. Nde at dadu sa noa custa chida su presidente de sa Federatzione Isport Natzionale Sardu (FINS), Gabrielli Cossu, narende chi sa Sardigna est a intro de sa IBU (International Basketball Union).
Su basket est intradu in su coro de sardos medas a pustis de sos resurtos bonos in Itàlia e in Europa de sa Dìnamo, s’iscuadra de Tàtari. Como cun sa Natzionale sos sardos ant a pòdere tifare pro sa bandera issoro in sa garas internatzionales.
B’at galu de isseberare sos giogadores, sa ghia e totu s’istrutura siat de s’iscuadra masculina siat de sa feminina, ma su passu est istadu betadu.
(redatzione)
Leave a comment