Fiat su 28 de santugaine de su 1921 cando Maria Madalena Blasizza, sa mama de Antonio Bergamas, aiat isseberadu su baule intre sos 11, totu uguales, de sos sordados mortos in unu de sos frontes ue s’Itàlia aiat cumbàtidu in sa gherra manna.
In cussa matessi die, dae s’istatzione de Aquileia su trenu nch’aiat giuta a Roma cussu baule cun su corpus de su sordadu disconnotu, cun mizas e mizas de pessones chi, in sas istatziones o in sos binarios de sa ferrovia, saludaiant cummòvidas su trenu colende.
Cust’annu, in s’àmbitu de sas atividades ligadas a s’ammentu de sos 100 annos de sa tramuda de su sordadu disconnotu, su trenu de sa memòria at a rugrare sa penisula cun unu percursu de prus de 5.000 chilòmetros, tochende totu sos cabu-de-logu de regione e sas tzitades italianas prus mannas ue non colaiat su percursu de su 1921. Oe est arribadu a Casteddu. In intro de su trenu, unu museu dedicadu a incuru de s’Istadu Magiore de sa difesa, ammaniadu paris cun sas Ferrovias de Istadu italianas e s’Istrutura de Missione pro sa balorizatzione de sos anniversàrios natzionales.
Mariantonietta Piga
Leave a comment