Apuntamentu dòpiu pro su FestivalOff cun duos òspites de vàllia: Francesco Abate e Valerio Aprea. Sàbadu su 6 de austu a sas 20, s’iscritore e giornalista Abate at a presentare – in Casa Mereu – su romanzu nou suo “Il complotto dei Calafati”. A sas 21 at a introduire, paris cun Valerio Aprea, sa presentatzione de su libru de Mattia Torre “A questo poi ci pensiamo”. Torre, regista e iscenegiadore, est mortu in su 2019.
S’eventu est promòvidu dae sa Comuna de Santu Èngiu in collaboratzione cun s’assòtziu Entes locales pro sas atividades culturales e de ispetàculu, su Sistema bibliotecàriu Monte Linas, s’assòtziu Festival Letterario del Monreale, su sustegnu de sa Regione Autònoma de sa Sardigna, de s’assessoradu de sa Pùblica istrutzione, benes culturales, informatzione, ispetàculu e isport e de sa Fondazione di Sardegna.
Gianfranca Orunesu
(Foto Ansa)