Leone XIV at tzelebradu sos primos ritos de Pasca de nadale de su pontificadu suo.
Su Papa at fatu sa missa de su 24, a sas 22,00, e oe, die de Pasca, sa de sas 10,00.
A coa at dadu sa beneditzione Urbi et Orbi, cun sa cuntzessione de s’indulgèntzia plenària.
In su messàgiu at pregadu massimamente pro sa paghe in totu su mundu e at fatu unu riferimentu particulare a sos cristianos mediorientales e a su pòpulu ucràinu.
«Non nos lassemus bìnchere dae s’indiferèntzia pro chie sufrit, ca Deus no est indiferente a sas misèrias nostras», at naradu.
Su pontìfitze at ammentadu puru ca como a presse at a acabbare s’annu giubilare, ma chi sas ghennas de Cristos, a diferèntzia de sas Ghennas Santas, no ant a serrare.
A sa fine, in antis de s’Angelus, at fatu sos augùrios a sos fideles in deghe limbas, incruidu su latinu.
(gm)