Cumintzat oe 24 de trìulas in Nùgoro s’Europeade de su folclore. Sa manifestatzione est lòmpida a sa de chimbantanoe editziones e at a finire su 28.
Partètzipant 120 grupos cun unas 3.000 persones in totu.
Si cumintzat a sas 20,00 in su Quadrivio cun s’esibitzione de: Gavino Murgia, Piero Marras, Maria Luisa Congiu, Istentales, Maria Giovanna Cherchi, Alessandro Catte, Tenore Remunnu E’ Locu de Bitzi, Luciano Pigliaru, Roberto Tangianu, Tenore Sos Battor Moros de Fonne, Coro di Nuoro, Coro Gli Amici del Folklore, Coro Ortobene, Coro Grazia Deledda, Gruppo Su Nugoresu, Coro Nugoro Amada, Coro Femminile Bendas, I Cantori di via Majore, Coro Su Redentore, Gruppo Folk Ortobene, Gruppo Folk Gli Amici del Folklore, Gruppo Folk Santu Predu, Associazione Nugoresas, Gruppo Folk S’Arbore de Santu Franziscu.
Su 25 sos grupos, nènnidos dae totu s’Europa, s’ant a esibire in carrera, cumintzende dae sas 9,00. In pratza Vittorio Emanuele, semper a sas 9,00 ddo’at a àtere unu cuntzertu de pitzocheddos. A sas 10,00 aberit su Villaggio dell’Europeade in su tzentru polifuntzionale in bia Roma, in ue a sas 17,00 ddo’at a àere unu forum. A sa matessi oraant a isfilare sos grupos in carrera.
Pro finire, dae sas 20,00 in su Quadrivio sunt in programma àteras esibitziones.
Su 26 si rèplicat su matessi programma, cun sa diferèntzia chi a sas 9,00 in pratza Vittorio Emanuele ddo’at a àere unu cuntzertu de gente manna.
Su 27 a sas 9,00 esibitziones in carrera e laboratòriu pro pitzocheddos in su Quadrivio. A sas 9,30 ballos in pratza Vittorio Emanuele. A sas 10 apuntamentu cun s’Europeade in su tzentru polifuntzionale de bia Roma. A sa matessi ora su Comitadu Internatzionale e rapresentantes de sos grupos ant a èssere retzidos in Munitzìpiu. A sas 18,00 isfilada dae pratza Vittorio Emanuele a su Quadrivio, passende in bia Majore e bia Lamarmora. Pro acabbare, dae sas 19,30 ballos in s’istàdiu.
Domìniga 28 a sas 11,30 ddo’est sa missa de su Mussegnore in catedrale. A su sero, dae sas 17,30 est in programma su finale de sa manifestatzione in su Quadrivio.
(gianni muroni)
Leave a comment