Eternidade rock. Sos primos 50 de Jim Morrison

In Parigi, su mese de trìulas. In intro de una bartza. Ma non che a Jean Paul Marat. Jim Morrison, Jimbo, mr. Mojo Risin’, in cue, 50 annos a oe, tancheit sos ogros. Galu si faeddat de su comente Thanatos nche siat lòmpidu a sa carena de su Diònisu de su rock. Unu mistèriu inghìriat sas ùrtimas oras suas cun s’amada Pam, morta tres annos a pustis. Mortu finamentas su chi l’intregheit sa droga a Jim. Chistione interrada, semper e cando, che a sa relìchia rock in Pere Lachaise. Bintisete sos annos de su poeta elètricu, che a sos de Brian Jones, de Jimi Hendrix, de Janis Joplin. E de Kurt Kobain. Sos primos chimbanta de s’eternidade sua, imbetzes, lompent oe. Sos primos. (redatzione / CBS Photo Archive)