Foto leada dae su profilu X de Luís Montenegro
Su 18 de maju est istada die de eletziones in Portogallu. Sos tzitadinos ant elègidu sos rapresentantes de su parlamentu monocamerale. Su partidu de tzentrudestra Aliança Democrática, de Luís Montenegro, primu ministru in essida, s’est cunfirmadu comente su prus votadu, cun su 32,7% de sas preferèntzias e 89 de sos 230 iscannos parlamentares.
Segundu est arribadu su Partidu Sotzialista, cun su 23,4%, e su de tres su partidu de destra Chega, cun su 22,6%.
Sas duas formatziones ant otènnidu su pròpiu nùmeru de iscannos, 89. Istacadas de meda sas àteras siglas, cumintzende dae Iniciativa Liberal, chi at leadu su 5,5%.
Est duncas una derrota pro sos sotzialistas ghiados dae Pedro Nuno Santos. Pro su lider de Chega André Ventura est imbetzes unu resurtadu mannu, finas pensende ca su movimentu tenet ses annos de vida ebbia.
Como sa solutzione prus probàbile est sa nàschida de una coalitzione de destra cun a capu Montenegro.
(gianni muroni)
Leave a comment