Diat bènnere de li fàghere una batorina a cuddu tziu:
“E Borghèzio at natu
Chi sa Sardigna est sua
Su sardu l’at rispostu
……………………………….”
Sa de bator la si lassat a su coro e a sa poesia de cadaunu.
A pustis de l’àere naradu su 17 de abrile de su 2012, s’europarlamentare de sa Lega Nord Màriu Borghèzio, l’at torradu a nàrrere eris, su 13 de maju de su 2013: «Vendiamo la Sardegna». O gasi diat pàrrere. Dende cara bene a custa nova, difatis, àteru no est chi sa nova “betza”. Ma est bastadu de l’àere torradu a lèghere chi su pòpulu de sas retzas sotziales che a Facebook e Twitter s’est torradu a arrempellare contra a s’onorevole (ohi): Luisa iscriet “Ogni giorno che questo individuo passa seduto nella poltrona da europarlamentare è una umiliazione fatta al governo italiano che si dimostra incapace di licenziare immediatamente un simile ignorante razzista e inetto da una carica pubblica delicata come lo è quella di un europarlamentare. Profondamente vergogniamoci per lui e per l’Italia che non riesce a sbatterlo fuori dalla politica.”
Angelo imbetzes at iscritu: “perché non si vende lui con tutta la sua famiglia , cosi vediamo quanto possiamo racimolare?” e Nino l’at torradu: “Angelì….. cosa vuoi racimolare…??? La cacca non vale niente!!! Si nì scess a f…: iss e tutta la razza soia!!!”.
Borghèzio est fatu gasi: oe narat una cosa e s’incras un’àtera. Su 30 de martzu de su 2012 aiat fatu un’interrogu a s’Unione Europea pro amparare sa Sardigna dae s’Itàlia “Roma Ladrona penalizza i sardi”. A pustis de carchi chida sa Sardigna la cheriat bèndere; in trìulas de su matessi annu aiat fatu un’interrogu a s’Unione Europea pro amparare sa limba sarda e criticare sos polìticos sardos chi non la tutelaiant.
Como est tardande: est belle che un annu chi no at torradu a faeddare de sa Sardigna.
Non nos s’at a presentare che a Presidente de sa Regione?