Giòbia 24 de trìulas a sas 17,30 in sa Cantina Sociale de Durgali, in bia Piemonte 11, s’at a concruire su progetu Cannonau Food Experience, nàschidu pro valorizare custa genia de binu.
In antis de su cumintzu, a sas 17,00, ant a projetare unu vìdeu, fatu dae Mario Giua Marassi de s’istùdiu GoTo Net de Casteddu, paris cun Redfish Adv de Tàtari.
A coa ant a intervènnere su presidente de su Consorzio Cannonau Mario Mereu, sa presidente de sa Cantina Sociale Claudia Secci, su presidente de s’AIS (Associazione Italiana Sommelier) Sardegna Antonio Furesi, su delegadu provintziale de s’AIS Nùgoro Francesco Deriu, Elena Lai pro Sardegna Ricerche, sos giornalistas enogastronòmicos Giovanni Fancello e Alessandra Guigoni. At a moderare su presidente regionale AIS in essida Roberto Dessanti.
In su cumbidu aprontadu a pustis de su bibàtidu chimbe genias de cannonau ant a èssere abbinadas a màndigos diferentes.
In fines ddo’at a àere unu cuntzertu de Gavino Murgia.
S’initziativa est de sa Cantina Sociale de Durgali cun su Cunsòrtziu de tutela de su Cannonau de Sardigna DOC.
Pro partetzipare cheret prenotadu, intro de su 23 de trìulas, a su nùmeru 3484928430.
Leave a comment