In su Master Centro Italia Istruttori, fatu in Arezzo, Laura Piras, cun su caddu Bellissima 2000, est arribada segunda.
Pro sa casteddaja fiat sa prima gara in categoria M, a pustis de àere curtu in sa F. Sa primu die at partetzipadu a sa M105 e sa segunda a sa M200.
Mègius de issa est andadu petzi Leonardo Farina, chi faghet parte de sa natzionale italiana.
In su mese de santugaine Piras fiat ruta dae caddu e at tentu problemas mannos a sas ancas tantu de non pòdere caminare pro carchi tempus. Est galu faghende esames de controllu.
Como istat in su Lazio pro fàghere su cursu triennale de Sièntzias motòrias e isportivas, nàschidu dae sa collaboratzione intre s’Universidade de Roma Foro Italico e sa Federazione Italiana Sport Equestri.
(redatzione)
Leave a comment