Domìniga 15 de làmpadas a sas ses de sero, in Tzaramonte, in su tzentru culturale Ciriaco Carru, presentant su libru Donna Lucia Tedde Delitala tra sacro e profano.
Su testu est òpera de Angelino Tedde, Andreina Cascioni e Giovanni Soro e contat de sa situatzione polìtica e sotziale in s’Anglona de su de degheoto sèculos tràmite sa figura de sa nobildonna Lucia Tedde Delitala, frutu de s’unione de sas famìllias Delitala de Tzaramonte e Tedde de Nulvi.
Fèmina de caràtere, nàschida in sos ùrtimos annos de su de deghessete sèculos, si fiat agatada in mesu de contos de vindita, iscadenados dae un’ofesa fata pròpiu a issa, e aiat operadu, cun investimentos econòmicos, finas in Tàtari.
A sos fatos de sa famìllia Tedde sunt acapiados puru sos de àteras famìllias, che a sa Fais-Unale.
Sunt previstos sos saludos istitutzionales de su sìndigu Luigi Pinna e sa partetzipatzione de su coro Doria cun sa diretzione de su maistru Salvatore Moraccini.
(gm)