Foto leada dae su profilu X de Dan
Su ballotàgiu eletorale in sas presidentziales rumenas de domìniga 18 de maju at dadu sa vitòria a Nicuşor Dan, chi at leadu su 53,6% de sos votos. S’aversàriu, su candidadu de sa destra George Simion, at reconnotu su resurtados de sas urnas.
Dan, de sa leva de su ‘69, est unu matemàticu e est su sìndigu de Bùcarest in càrriga. Rapresentat sa formatzione USR (Unione Sarvade sa Romania), de positziones liberales e europeistas.
«Dae cras» at naradu, «cumintzamus a torrare a fraigare sa Romania, una Romania unida, onesta, fundada in su rispetu de sa lege e de totu sas persones».
Simion at decraradu: «Amus a sighire sa gherra pro sa libertade e pro sos valores mannos nostros paris cun àteros patriotos, soberanistas e cunservadores in totu su mundu. Finas si amus pèrdidu una batàllia de seguru no amus a pèrdere sa gherra».
(gianni muroni)
Leave a comment