Dae su mare de Casteddu a su golfu de Hauraki: Luna rossa andat a sa finale de America's Cup

Dae su mare de Casteddu a su golfu de Hauraki: Luna rossa andat a sa finale de America's Cup

© Stefano Gattini

Posca bintunu annos Luna Rossa binchet sa Copa Prada (sa betza Luis Vitton Cup) pro sete a unu contra a sos inglesos de Ineos Team UK, gasi andat a disafiare s’iscuadra de Emirates Team New Zealand pro conchistare s’America’s Cup, su prèmiu prus de importu in su mundu de sa vela isportiva.

Sa resèssida est istada fraigada in Sardigna, in su Golfu de sos ànghelos. Difatis in custos meses s’iscuadra de Luna Rossa at traballadu in su portu de Casteddu megiorende sas mòvidas de gara e su naviu. In s’iscuadra b’at fintzas unu sardu Davide Cannata, casteddaju de bintisès annos, chi in sa premiatzione at ammustradu sa bandera de sos bator moros.

Francu pro sa bìnchida, s’allegria de sos sardos chi sighint custu isport naschet dae un’isetu: si Luna Rossa at a bìnchere in Auckland, s’annu imbeniente s’America’s Cup si diat pòdere giogare in su mare de Casteddu batende gente meda e dende àrchidu a sa tzitade e s’ìsula intrea.

(redatzione)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *