S’ispetàculu dedicadu a sa poetissa Alda Merini Mi trovi ai Navigli… e ovunque, de su poete tataresu Leonardo Onida, est andadu in iscena in su festival Pinerolo Poesia. Sàbadu 25 de santandria sos sonadores Giovanni Sanna Passino e Simone Faedda ant acumpangiadu s’autore in su Teatro del Lavoro. Onida, chi est finas diretore artìsticu de su festival sardu Ottobre in Poesia, at lèghidu puru testos de s’atore tataresu Carlo Valle, mortu dae pagu.
Su 26 Onida at partetzipadu a s’addòbiu Fare Poesia – Poesia è fare. Sa trasferta piemontesa est istada s’ocasione pro siglare un’afradiamentu intre Ottobre in Poesia, Circolo dei Lettori di Pinerolo e Pinerolo Poesia.
(redatzione)
Leave a comment