Sàbadu 28 de làmpadas in Istentinas, a sas 21,30, ant a sonare sos Crêuza de mä. S’apuntamentu cun su grupu tataresu, chi proponet su repertòriu de Fabrizio De Andrè, est in largo Cala d’Oliva.
Su cuntzertu faghet parte de su cartellone de su Festival delle Bellezze, arribadu a sa de oto editziones, ideadu dae su maistru Vincenzo Cossu pro sa Associazione Insieme Vocale Nova Euphonia. Su coro de s’assòtziu s’at a esibire issu pruru e cun issu sa Corale Studentesca Città di Sassari, semper cun sa diretzione de Vincenzo Cossu.
Sos duos coros ant a cantare finas a sas 18,30 in su Nautic Event in programma in sa bidda dae su 26 a su 28.
Su Festival delle Bellezze. Chi pro su de bator annos a fila a pare est insertadu in sa rassegna Salude&Trigu, de sa Càmera de Cummèrtziu de Tàtari, tenet su patrotzìniu de sa Comuna, cun media partner Sardinian Life, ISO IMAGE, SARdies.
Presentat s’ispetàculu Manuela Muzzu.
(gm)
Leave a comment